Suriyanın Afrin rayonunda olan Rusiya Barışıq Mərkəzinin nümayəndələri və hərbçiləri “Təl Rifat” təhlükəsizlik zonasındakı Təl Əcər rayonuna dislokasiya edilib.

Mediatv.az-ın RİA Novosti-yə istinadən xəbərinə görə, bu barədə Rusiya Müdafiə Nazirliyi məlumat yayıb.

Dislokasiya hərbçilərin təhlükəsizliyini təmin etmək və mümkün təxribatların qarşısını almaq məqsədi ilə həyata keçirilib. 

Qeyd edək ki, Türkiyə ordusu bu gün Bakı vaxtı ilə saat 18.00-da  Suriyanın Afrin bölgəsində  terrorçulara qarşı “Zeytun budağı” əməliyyatı başlayıb.