Dünya (18-01-2018, 13:00)
ABŞ-da müttəhim məhkəmə zalında güllələndi
ABŞ-ın Kolumbus şəhərində keçirilən məhkəmədə şerif köməkçisi silahla hədə-qorxu gəlməkdə təqsirləndirilən yeniyetməni güllələyib.
Mediatv.az verir ki, bu barədə NBC telekanalı məlumat yayıb.
Məlumata görə, insident çərşənbə günü, səhər saatlarında yetkinlik yaşına çatmamış şəxslərin işləri üzə məhkəmədə, silahla hədə-qorxu gəlməkdə təqsirləndirilən 16 yaşlı Cozef Heynsin məhkəmə prosesində baş verib.
İclasda yeniyetmə və onun ailəsi şerif köməkçisini yerə yıxıb və döyməyə başlayıb. Özünü müdafiə etməyə çalışan asayiş keşikçisi üzərində olan odlu silahla Heynsə atəş açıb.
Yeniyetmə xəstəxanaya yerləşdirilsə də, bir müddət sonra aldığı güllə yarasından dünyasını dəyişib.
Yerli WCPO telekanalının məlumatına görə, şerif köməkçisi bədən xəsarətləri ilə xəstəxanaya yerləşdirilib. Aldığı xəsarətlərin həyati təhlükəli olmadığı bildirilir.