“Mənə mənzil verilməsi üçün şəhid olmalıyam?” - GİLEY

Ana səhifə Bizimlə əlaqə

Ucarın icra başçısı Mənsur Məmmədovun “Avtoyoltikintiservis” MMC ilə iş birliyi

Abdin Fərzəliyev Xırdalanda qanunsuz tikintiyə necə icazə verib? -DE-FAKTO

Mədəniyyət Nazirliyində nə baş verir?

Siyəzəni abadlaşdıracaq "Safari": Keçmiş nazirin oğlunu şirkətlə nə bağlayır?

Bakıda SSRİ bayrağı qaldıran İbrahim Əsədli kimdir? - VİDEO

“Binəqədi Park” MMC-dən vətəndaşlar şikayət edir:Vergidən belə yayınıb-VİDEO

Həsənovun 7 aylıq xərci: 22 milyon... - İcazə verin şübhələnək...

Gəncə Dövlət Universitetində özbaşınalıqlara son qoyulsun!

Leyla Əliyeva Qaradağda yeni parkın açılışında - Fotolar

Sosial (9-02-2022, 12:04)
“Mənə mənzil verilməsi üçün şəhid olmalıyam?” - GİLEY

Mediatv.az xəbər verir ki, Astara şəhər sakini, Vətən müharibəsi iştirakçısı, ehtiyatda olan polkovnik Rəşad Həsənov Cebhe.info-ya müraciət edib. O, uzun zamandır mənzillə bağlı müraciətinə baxılmadığını bildirib:

"Hal-hazırda Astara şəhərində yerləşən 2 saylı hərbi şəhərcikdə yaşayıram. Həmin şəhərcikdəki bərbad vəziyyətlə bağlı müxtəlif vaxtlarda bütün dövlət orqanlarına müraciət etmişəm. Lakin indiyə qədər heç bir tədbir görülməyib. Düzünü deyim ki, çox acınacaqlı vəziyyətdə yaşayıram. Azərbaycan Respublikası Prezidenti İlham Əliyevin 28 dekabr 2011-ci il tarixli 569 nömrəli Fərmanına əsasən, 2014-cü il tarixdə 20 il xidmət müddətim bitdiyi üçün evlə təmin olunmalı idim. Lakin bu günə qədər mənzillə təmin olunmamışam. Halbuki həmin Fərmandan irəli gələn tələblərə əsasən, mənzillə təmin olunanların siyahısına ilk növbədə qüsursuz xidməti (22 il qüsursuz xidmətim var), döyüş əməliyyatlarında iştirakı (Vətən müharibəsində iştirak edib xəsarət almışam), rütbəsi (polkovnik rütbəsindəyəm), tutduğu vəzifələri (iki ordu birliyində mühüm vəzifədə xidmət etmişəm), yaşayış şəraiti (yaşayış şəraitim çox acınacaqlıdır) nəzərə alınmalıdır. Maliyyə və Müdafiə nazirliklərinin mənzil komissiyasına sual vermək lazımdır ki, mənə mənzil verilməsi üçün daha nə etməliyəm? Şəhid olmalı idim? 17 il döyüş bölgəsində xidmətim, Vətən müharibəsində iştirakım, müharibədə xəsarət almağım və çətin yaşayış şəraitim bəs etmir? Onsuz da sağlamlığını itirmiş canlı şəhid kimiyəm".

Şikayətçi deyib ki, hazırda yaşadığı binanın dam örtüyü bərbad vəziyyətdə olduğu üçün yağış birbaşa mənzilə damır:

"Binanın kanalizasiya sistemi olmadığı üçün üfünət iyindən nəfəs almaq olmur. Maliyyə Nazirliyinə mövcud vəziyyətlə bağlı müraciət etdim, amma onlar cavab məktubunda mənim siyahıda adımın 864-cü olduğunu bildirirlər. Sonradan telefonla əlaqə saxlayanda bildirdilər ki, siyahı Müdafiə Nazirliyi tərəfindən hazırlanır. 8 ildir ki, mənzil gözləyirəm, amma yenə də siyahıda 864-cü adamam. Azərbaycan Respublikası Prezidentinin Fərmanına və qanunvericiliyin tələblərinə əsasən, polkovnik rütbəsində olduğuma və ailə tərkibinə görə mən 4 otaqlı mənzillə təmin ounmalı idim. Sonda sual verirəm ki, Maliyyə və Müdafiə nazirliklərinin vəzifəli şəxsləri ailələrinin belə şəraitdə yaşamaqlarına razı olarlar? Mən bu yazıları yazarkən Allaha yalvarıram ki, yağış yağmasın”.