Suraxanı rayonu, Qaraçuxur qəsəbəsi, Yeni Günəşli "V" yaşayış sahəsində xalqımızın qəhrəmanına çevrilən Qarabağ fədaisi, Vətən müharibəsinin şəhidi, kapitan İsmayılov Elçin Mübariz oğlunun xatirəsini əbədiləşdirmək məqsədi ilə inşa edilmiş bulaq-abidə kompleksinin açılış mərasimi keçirilib.
“Mediatv.az” xəbər verir ki, mərasimdə Suraxanı Rayon İcra Hakimiyyətinin başçısı Əziz Əzizov, Milli Məclisin deputatı Etibar Əliyev, şəhidin doğmaları və digər rəsmi şəxslər iştirak edib.
Suraxanı Rayon İcra Hakimiyyətinin başçısı Əziz Əzizov çıxış edərək, Ali Baş Komandan İlham Əliyevin rəhbərliyi ilə ötən ilin sentyabrın 27-də başlanan və Zəfərlə başa çatan 44 günlük Vətən müharibəsində qazanılan Şanlı qələbənin tarixi əhəmiyyətindən danışmış, şərəfli döyüş yolu keçmiş Elçin İsmayılovun və bütün Şəhidlərimizin xatirəsinin heç zaman unudulmayacağını vurğulayıb.
Anım tədbirində 278 saylı tam orta məktəbin müəllim və şagird kollektivi iştirak etmiş, həmçinin şagirdlərin ifasında şeirlər səsləndirilib.
Qeyd edək ki, şəhid Elçin İsmayılov ölümündən sonra Azərbaycan Respublikası Prezidentinin müvafiq Sərəncamları ilə 3-cü dərəcəli “Rəşadət” ordeni, “Vətən uğrunda”, "Füzulinin azad olunmasına görə", "Cəbrayılın azad olunmasına görə", “Kəlbəcərin azad olunmasına görə” medalları ilə təltif edilib.шаблоны для dle 11.2