Bu barədə Kult.az-a Əhməd Cavadın nəticəsi Cavad Axundzadə məlumat verib. Məlumatda bildirilir ki, şairin yaşadığı binaya vurulan xatirə lövhəsi 2017-ci ildə təmir zamanı götürülüb, bir daha yerinə qaytarılmayıb.
Məsələ ilə bağlı Gəncə şəhər İcra Hakimiyyəti MKTİB-in mətbuat katibi Vüsal Balayev açıqlamasında bildirib ki, icra başçısına bu barədə məruzə edilib:
“Rəhbərliyin tapşırığı ilə Əhməd Cavada məxsus lövhənin harda olması araşdırılır. Əvvəlki lövhə tapılmadığı təqdirdə yeni lövhənin hazırlanmasına başlanılacaq və yaxın zamanda həmin lövhə əvvəlki yerinə qoyulacaq”, - mətbuat katibi bildirib.
