Türkiyənin kənd təsərrüfatı və meşə naziri Bekir Pakdemirli ölkədəki meşə yanğınları ilə bağlı ən son məlumatları açıqlayıb.

“Mediatv.az” “Anadolu” agentliyinə istinadən xəbər verir ki, B. Pakdemirli ölkədə yanğınların davam etdiyini bildirib.

Onun sözlərinə görə, ümumilikdə ölkə üzrə 63 yanğından 57-sini nəzarət altına almaq mümkün olub.

Nazir, həmçinin xatırladıb ki, yanğını söndürmək üçün başladılan əməliyyatlarda 3 təyyarə, 9 dron, insansız vertolyot, 38 vertolyot, 680 yanğınsöndürən maşın, 55 texnika və 4 min nəfər iştirak edir. 

Marmarisdəki yanğın barədə danışan nazir bildirib ki, alovlar yaşayış məskənlərinə təhlükə doğurmur və dənizə doğru irəliləyir.

Ətraf mühit və şəhərsalma naziri Murat Kurum qeyd edib ki, Antalyada ümumilikdə 2 300 tikilinin yanğın nəticəsində xələl gördüyü güman edilir.