Əfqanıstanın hökumət nümayəndələri və “Taliban” hərəkatının rəsmi nümayəndələri arasında növbəti dəfə Qətərdə danışıqlar keçirilib.

Mediatv.az  “RİA Novosti”yə istinadən xəbər verir ki, tərəflər görüş zamanı yalnızca yüksək səviyyədə danışıqların və sülh prosesini sürətləndirmək üçün səylərin davam etdirilməsi barədə razılığa gəliblər. 

Bununla belə, tərəflər Qurban bayramı zamanı atəşkəsin yaradılması, həmçinin “Taliban” hərəkatının 7 min əsir düşmüş döyüşçüsünün azad olunması ilə bağlı ortaq məxrəcə gələ bilməyiblər.

Qeyd edək ki, Əfqanıstanda hazırda hökumət qüvvələri ilə “Taliban” hərəkatı arasında qarşıdurmalar davam edir.