Sakit okeanda Kuril adaları yaxınlığında 5,8 maqnitudalı zəlzələ olub.

Bu barədə “Qafqazinfo” “RİA Novosti”yə istinadən xəbər verir.

Məlumata görə, zəlzələ iyulun 13-də yerli vaxtla saat 11:30-da (Bakı vaxtı ilə 04:30-da) 59 kilometr dərinlikdə baş verib. Episentr Simuşir adasından 11 kilometr cənubda yerləşib.

Seysmoloqlar bildirib ki, Kunaşira və İturupa yaşayış məntəqələrində yeraltı təkanlar üç baladək hiss olunub. Dağıntı və tələfat yoxdur, sunami xəbərdarlığı edilməyib.