Litva Avropa İttifaqını Belarusa qarşı yeni sanksiyalar tətbiq etməyə çağırıb.

Mediatv.az xəbər verir ki, bu barədə Litvanın xarici işlər naziri Qabrielius Landsberqis Aİ ölkələrinin XİN başçılarının görüşündə məlumat verib. 

O, həmçinin bildirib ki, Litva Belarusu Asiyadan ölkəyə qanunsuz miqrant köçürülməsini təşkil etməkdə ittiham edir. 

“Belarus qanunsuz miqrantları siyasi vasitə olaraq istifadə edir. Bu, cavabsız qalmamalıdır. Biz Aİ-ni Belarusa qarşı sanksiyalar tətbiq etməyə çağırırıq”, - deyə litvalı nazir çıxışında deyib. 

Qeyd edək ki, Latviya iyulun 2-də qonşu ölkə Litvaya gələn çox sayda miqrantlar səbəbindən Belarusla sərhəddə təhlükəsizliyi gücləndirib. Latviya rəsmilərinin sözlərinə görə, ölkəyə miqrantlarla yanaşı, döyüşçülər də gələ bilər. 

Elə həmin gün, Litva rəhbərliyi Belarus ərazisindən gələn miqrant axını səbəbindən dövlət səviyyəsində fövqəladə vəziyyət elan edib. 

Xatırladaq ki, cari ilin ilk yarısında Belarusdan Litvaya 822 qanunsuz miqrant keçməyə cəhd edib. Bu, 2020-ci ildə qeydə alınan göstəricidən 10 dəfə çoxdur.