Pakistan Hərbi Dəniz Qüvvələrinə məxsus “Zülfüqar” esminesi İordaniya hökumətinin dəvəti ilə krallığın Akaba limanına gəlib.
Axar.az xəbər verir ki, iki dost ölkənin hərbçiləri limanda birgə hərbi parad keçiriblər.
İordaniya hökumətinin rəsmilərinin, habelə xarici ölkələrin Əmmandakı hərbi attaşelərinin iştirak etdikləri hərbi paradda Pakistanın Yaxın Şərqdə sülhün və təhlükəsizliyin təmin edilməsinə verdiyi töhfə qeyd edilib. “Zülfüqar” esminesinin heyəti 3 gün ərzində iordaniyalı həmkarları ilə birgə seminar və görüşlər də keçiriblər.
Pakistan hərbçiləri İslam dünyası, o cümlədən Yaxın Şərq və Körfəz ölkələrinin təhlükəsizliyinin təmin edilməsi məqsədi daşıyan bütün tədbirlərdə və hərbi təlimlərdə fəal iştirak etməyə hazır olduqlarını bildiriblər.шаблоны для dle 11.2