Ötən əsrin 80-cı illəri. Mixail Qorbaçov SSRİ hakimiyyətinə gələn kimi, ermənilərin "Qarabağ dərdi" yenidən işlədi. Qarabağın kimə məxsus olub-olmaması, guya ermənilərin İrəvanda və Qarabağda avtoxton xalq olması, burada mədəniyyət yaratması barədə erməni tarixçilərinin, etnoloqlarının, publisistlərinin, siyasətçilərin cəfəng yazıları və uydurmaları yenidən ayaq açıb yeridi. 
Perestroyka dövrünün ilk illərində bu uydurmalar erməni diasporları tərəfindən daha geniş vüsət alaraq, siyasi xarakter daşımağa başladı. Ermənilər M.Qorbaçovdan Qarabağı tələb edir, onu inandırmağa, ermənipərəsət arvadı vasitəsilə təsir etməyə çalışırdılar. 1988-cı ilin fevralında M.Qorbaçov ilə bu mövzuda ilk rəsmi görüşə gedənlər Zori Balayan və Silva Kaputikyan idi. DQMV-nin ali soveti Dağlıq Qarabağın müstəqilliyi və Ermənistana birləşdirilməsi haqqında qərar çıxarmışdı və qurumun vəkilliyini edən həmin erməni ideoloqları M.Qorbaçovdan bu qərarın həyata keçirilməsini istəyirdilər.
....
Onların ikisi də "Qarabağ hərəkatının qəhrəmanı və lideri" adı ilə erməni siyasi tarixinə daxil edilib. Demək olar ki, Ermənistanın eyni mükafatlarını, adlarını, ordenlərini alıblar. Bununla bərabər Z.Balayan Ermənistan Elmlər Akademiyasının müxbir üzvü, S.Kaputikyan isə akademik olub. İkisi də SSRİ Ali Sovetinin iclaslarında DQMV-nin Ermənistana birləşdirilməsi məsələsini qaldırmış, Qarabağda yaratdıqları etnik qarşıdurmada təqsirkar tərəf kimi azərbaycanlıları, Azərbaycan rəhbərliyini ittiham etmişlər.
Zori Balayana "Qarabağ hərəkatı"ndakı fəallığına görə 2006-cı ildə "Arsaxın qəhrəmanı" fəxri adı veriblər, Şuşa şəhərində təmtəraqlı təltif mərasimi keçiriblər.шаблоны для dle 11.2