Türkiyənin Kayseri vilayətinin Bünyan rayonunun bələdiyyə sədri Özkan Altunun Prezident Rəcəb Tayyib Ərdoğanın bələdiyyə başçıları ilə iclasında iştirak üçün keçdiyi koronavirus test nəticəsi pozitiv çıxıb.

Mediatv.az “Milliyet”ə istinadən xəbər verir ki, Ö.Altun nəticələrin çıxmasından sonra iclasda iştirakı ləğv edilərək Kayseriyə qayıdıb. Onun 14 gün ərzində xəstəlikdən müalicə olunaraq sağaldığı bildirilib.

Xəstəliyin haradan və necə keçdiyini anlamadığını söyləyən Altun xəstəlikdən əziyyət çəkənlərin əhvalını yüksək tutmalı olduğunu qeyd edib: “Bu barədə ilk dəfə eşitdiyiniz zaman ruhdan düşə bilərsiniz. Ancaq bu xəstəliyin ən böyük müalicəsi yüksək əhvaldır. Mənə zəng edən insanlar mənəvi cəhətdən çox dəstək oldular”.

O, insanları sosial məsafə və təmizlik qaydalarına riayət etməyə və ehtiyac olmadıqca çölə çıxmamağa çağırıb. “Bu virus hər kəsə yoluxa bilər. Xəstəliyin keçməməsini istəyiriksə, qaydalara ciddi əməl etməliyik. Xüsusilə kollektiv toplantılardan uzaq olaq. İnsanlara 15-20 gün evdən çıxmamalarını tövsiyə edirəm. Ehtiyac olmasa, çölə çıxmayın. Rəbbim hər kəsi qorusun”,- deyə Özkan Altun qeyd edib.шаблоны для dle 11.2