Türkiyə Silahlı Qüvvələri Şimal Kipr Türk Respublikası Təhlükəsizlik Qüvvələri Komandanlığı heyəti ilə birlikdə Aralıq dənizində təlim keçirəcək. Mediatv.az xəbər verir ki, məlumatı “Huriyyet” yayıb.
Bildirilib ki, “Şəhid yüzbaşı Cengiz Topel Akdeniz Fırtınası” adlı hərbi təlim sentyabrın 6-10-da keçiriləcək.
Qeyd edək ki, Cengiz Topel 1934-cü il sentyabrın 3-də anadan olub. Türk pilotu, zabit olub. 1964-cü ildə Türkiyə Silahlı Qüvvələrinin Kiprdə keçirdiyi xəbərdarlıq uçuşları zamanı təyyarəsi yunanlar tərəfindən raketlə vurulub. O, paraşütlə atılıb. Yunanlar onu işgəncə ilə qətlə yetirib. Türkiyənin israrlı tələbi nəticəsində Topelin meyiti 1964-cü ilin avqustunda təhvil verilib. O, Türkiyə Hərbi Hava Qüvvələrinin ilk itkin pilotudur.шаблоны для dle 11.2