Belarus Prezidenti Aleksandr Lukaşenko Minskin Qərb ölkələrinin sanksiyalarına cavab verəcəyini bildirib.
Mediatv.az “Belta”ya istinadən xəbər verir ki, Lukaşenko bu barədə “Savuşkin-Orşa” MMC-nin işçiləri ilə söhbət edərkən açıqlama verib: “Biz onlara sanksiyaların nə olduğunu göstərəcəyik”.
Lukaşenko qeyd edib ki, məhsullarını Çin və Rusiyaya Belarus üzərindən keçirən Polşa və Litva bundan sonra Baltiklər və ya Qara dəniz bölgəsindən istifadə etməli olacaq. O bildirib ki, Litva limanlarından gələn bütün ticarət axınlarının istiqamətini dəyişdirmək üçün hökumətə təklif təqdim etməyi planlaşdırır. “Onlar harınlayıb və Belarusun nə demək olduğunu unudublar. Və bizi əyə biləcəklərini, tanklarla, raketlərlə qorxuda biləcəklərini düşünürdülər... Gəlin, görək, kim kimi qorxudur”,- deyə ölkə başçısı qeyd edib.
Belarus lideri respublikanın əvvəllər də sanksiyalarla üzləşdiyini və yeni çətinliklərin öhdəsindən gələ biləcəyini sözlərinə əlavə edib.шаблоны для dle 11.2