Belarusda keçirilən prezident seçkilərində müxalif namizəd Svetlana Tixanovskayanın silahdaşı Mariya Kolesnikova hesab edir ki, Prezident Aleksandr Lukaşenko öz ətrafındakılar tərəfindən aldadılır. 
Mediatv.az xəbər verir ki, bu barədə o, “RBC” telekanalına müsahibəsində danışıb.
“Bu məlumatı haradan əldə etməsi ilə bağlı yeganə nəzəriyyə onun aldandığı və ona yalan məlumat verilməsidir. Məncə, bu, onun öz məmurlarının, ətrafındakıların ona necə rəftar etməsi haqqında çox şey göstərir”,- deyə Kolesnikova bildirib.
M. Kolesnikova qeyd edib ki, o, bu qənaətə Lukaşenkonun müxalifətlə bağlı çıxışlarından sonra gəlib. Belə ki, Lukaşenko muxalifətin Rusiya ilə münasibətləri kəsməyi və rus dilindən istifadəni məhdudlaşdırmağı planlaşdırdığını iddia edib. Kolesnikova bir daha vurğulayıb ki, müxalifətin Koordinasiya Şurası yalnız hakimiyyətin ötürülməsi məqsədi ilə yaradılıb və heç bir siyasi məqsəd və ya siyasi proqramı yoxdur.шаблоны для dle 11.2