Mediatv.az Rusiya KİV-inə istinadla xəbər verir ki, bu ölkədə istehsal olunan «Putinka» markalı araq öz lider mövqeyini itirməkdədir.

«Kommersant» qəzetinin yazdığına görə, onun satış həcmi iki dəfə azalıb və bu göstərici üzrə «Putinka» 4-cü yerdən 15-ci yerə düşüb. Qəzet ehtimal edir ki, bu brendin uğursuzluğu onun distribüteri – «Status-qrup» şirkəti ilə bağlı ola bilər.
Bu ilin əvvəlində «Status-qrup» şirkəti güc strukturlarının diqqətini cəlb edib. Bundan sonra şirkətin portfelindəki digər marka məhsulların satış həcmi də düşüb.
Qeyd edək ki, «Putinka» brendinin sahibi Arkadi Rotenberq sayılır.