Son məlumata görə, İraqın paytaxtı Bağdadın mərkəzi məhəllələrindən birində avtomobilin partladılması nəticəsində ölənlərin sayı 165 nəfərə çatıb, 168 nəfər yaralanıb.

Mediatv.az xəbər verir ki,  İraqın paytaxtı Bağdadda terror qurbanlarının sayı artmaqda davam edir. ANS PRESS-in məlumatına görə bu gün ard-arda baş verən ardıcıl iki partlayış nəticəsində ölənlərin sayı 131 nəfər çatıb. Hadisə nəticəsində yaralananların sayı isə 160 nəfər təşkil edir. Birinci partlayış dini mərkəzin yaxınlığında törədilib. Binanın yaxınlığında minalanmış avtomobil partladılıb.
Bir müddət sonra, İraq paytaxtının şimalında Əş-Şaab bazarının yaxınlığında əldəqayırma partlayıcı qurğu işə düşüb.
İraq rəsmi dairələrinin məlumatına əsasən partlayış sakinlərin Ramazan ayının başa çatması münasibətilə bazarlıq etdikləri Karrada məhəlləsində törədilib.
Terror aktına görə məsuliyyəti İŞİD terror təşkilatının yaraqlıları öz üzərlərinə götürüblər. Partlayışlar Əl Fəlluca şəhərinin İŞİD-dən tamamilə azad edilməsi ilə əlaqələndirilir. İraqın baş naziri Heydər Abadi partlayış yerini ziyarət etdikdən sonra bildirib ki, bu terror aktı İeraq ordusunun uğurlu əməliyyatlarına cavabdır.