ABŞ prezidenti Barak Obama qlobal iqlim dəyişikliyinin reallıq olduğunu və Amerikanın təbiət parklarına ziyan vurduğunu bəyan edib.
Mediatv.az-ın məlumatına görə, Kaliforniya ştatındakı Yosemit Milli Parkında çıxışı zamanı B. Obama deyib ki, illüziyaya qapılmayın, qlobal iqlim dəyişikliyi artıq sadəcə, təhdid deyil, reallığa çevrilib.
ABŞ prezidenti bildirib ki, temperaturun yüksəlməsi nəticəsində Montana ştatındakı Qleyşer parkındakı buzlar əriyəcək, “Coşua-3" parkındakı yukka ağacları artıq olmayacaq.
B. Obama qlobal istiləşmənin Florida ştatındakı Everqleyds Milli Parkındakı ekosistemi və Nyu-Yorkdakı Azadlıq heykəlini də artıq təhdid etdiyini nəzərə çatdırıb.
