Azərbaycan prezidentinin “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnaməyə dəyişiklik edilməsi barədə” sərəncamının 5.4.-cü bəndinə əsasən əmək və əhalinin sosial müdafiəsi nazirinin müavinlərinin sayı iki nəfər artırılmaqla 4 nəfər müəyyən olunub. 

"Mediatv.az" xəbər verir ki,  Bu barədə AzNews.az-a Nazirliyin ictimaiyyətlə əlaqələr şöbəsinin müdiri Elman Babayev məlumat verib.

O bildirib ki, bununla bağlı olaraq prezidentin sərəncamı ilə İdris Balakişi oğlu İsayev və Mətin İmdad oğlu Kərimli əmək və əhalinin sosial müdafiəsi nazirinin müavinləri təyin ediliblər.

Qeyd edək ki, Mətin Kərimlinin qardaşı İnam Kərimov  ASAN xidmət mərkəzlərinin (Vətəndaşlara Xidmət və Sosial İnnovasiyalar üzrə Dövlət Agentliyinin) rəhbəridir.