Azərbaycan Silahlı Qüvvələrinin şəhid olan hərbi qulluqçusu dəfn edilib. 44 günlük Vətən Müharibəsində şəhid olan Səfərov Tamerlan Cavad oğlu bu gün doğulduğu Qubanın Səbətlər kəndində torpağa tapşırılıb.

Onun dəfn mərasimində Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin əməkdaşları, Quba Rayon İcra Hakimiyyətinin rəsmiləri, kənd sakinləri və şəhidin yaxınları iştirak ediblər.