Gələn il Bakıda böyük innovasiya mərkəzinin tikintisi planlaşdırılır.

Mediatv.az  report-a istinadən xəbər verir ki, bu barədə rabitə, nəqliyyat və yüksək texnologiyalar naziri Ramin Quluzadə bu gün Bakıda keçirilən Azəribaycandakı Amerika Ticarət Palatasının( AmCham Azerbaijan) üzvlərinin aylq işgüzar nahar fasiləsi zamanı bildirib.

Onun sözlərinə görə, elektron xidmətlərin cəmləşdiyi vahid platforma olan "elektron hökumət"portalı vasitəsilə hazırda ümumilikdə 89 qurum tərəfindən vətəndaşlara 440 sayda elektron xidmət göstərilir. Bu say daimi olaraq artırılır. Portalın daimi istifadəçilərinin sayı 700 mindir. Ümumilikdə elektron xidmətlərə müraciət sayı isə 600 mln.-u keçib.

Nazir həmçinin qeyd edib ki, 2019-cu ildə yeni nəsil şəxsiyyət vəsiqələrinin vətədaşlara verilməsi nəzərdə tutulur ki, bu şəxsiyyət vəsiqələrində e-imza sertifikatlarının yerləşdirilməsi təmin ediləcək: "E-imza sertifikatlarının ölkələr arasında qarşılıqlı tanınması tanınması ilə bağlı ardıcıl işlər aparılır və inanırıq ki, bu iş adamları üçün yeni imanlar açacaq".

"Azərbaycanın "Azerspace-2" ikinci telekommunikasiya peykinin inşası müəyyən edilmiş plana uyğun aparılır".

Nazir qeyd edib ki, peykin buraxılışı 2018-ci ilin ortalarına planlaşdırılır.