“Accenture” və “Ponemon Institute”un araşdırmalarına görə 2017-ci ildə kiberhücumlar nəticəsində təşkilatlara dəymiş zərərin həcmi 23% artıb.

Mediatv.az  ICTnews-a istinadən xəbər verir ki, 2016-cı ildə şirkətlərə orta hesabla 9,5 milyon dollar zərər dəyib. Cari ildə bu göstərici 11,7 milyon dollaradək artıb. Son 5 ildə isə kiberhücumlardan dəymiş zərərin həcmi 62% yüksəlib.

 Qeyd edilib ki, araşdırma 254 təşkilat üzrə İT və kibertəhlükəsizlik sahəsində çalışan 2 mindən çox əməkdaş arasında keçirilmiş sorğunun nəticələrinə əsaslanır. Toplanılmış məlumatlar əsasında mütəxəssislər müəyyənləşdiriblər ki, şirkətlərə qarşı ildə orta hesabla 130 kiberhücum həyata keçirilir. Bu göstərici 2016-cı illə müqayisədə 27,4% çoxdur. Kiberhücumlar maliyyə və energetika sahəsində işləyən şirkətlərə ciddi zərər vurur. Bu sahələrdə orta illik zərərin həcmi müvafiq olaraq 18,28 və 17,2 milyon dollara yaxınlaşır.

Ölkələr üzrə aparılmış təhlilə əsasən, hakerlər ABŞ şirkətlərinə daha çox zərər vururlar.