Daha bir məmur oğlunun harınlamış görüntüləri yayıldı - Bu dəfə əyalətdən xəbər gəldi

Bu gün sosial şəbəkələrdə Sabirabad Rayon İcra Hakimiyyətində işləyən yüksək çinli məmurlardan birinin oğlunun əyləncəli və dəbdəbəli həyat t ərzi ilə bağlı fotolar yayılıb. GUNDEMİNFO.AZ yazır ki, İcra Hakimiyyətində işləyən Sabirabadın baş memarı Ağarəhim Ağayevin oğlu Ramil Ağayev dostları ilə dəbdəbəli həyat tərzini reklam edir. Şəkildə gördüyünüz avtomobilin sahibi Ramil Ağayev avtomobillərindən biri ilə istirahət edir. Rayondan verilən məlumatlara əsasən Sabirabadın baş memarı rayonda kifayət qədər zəngin adamlardan biri kimi tanınır. Onun xeyli sayda bahalı avtomobillərinin olduğu bildirilir.

Daha bir məmur oğlunun harınlamış görüntüləri yayıldı 

Xatırladaq ki, Azərbaycan Prezidenti İlham Əliyev məmur övladları ilə bağlı çox sərt tədbirlərin tətbiq ediləcəyi barədə dəfələrlə çıxışlar edib. Məmurları sadə həyat tərzi keçirməyə, övladlarına da əhali arasında sadə davranmalarını tapşırıb. Lakin görünür hələ də bəzi xırda məmurlar var ki, onlar sosial şəbəkələrdə və əhali arasında gözqamaşdıran həyat tərzlərini reklam etdirməklə məşğuldurlar.

Qeyd edək ki, bu mövzu ilə bağlı redaksiyamıza əlavə məlumatlar da daxil olub. Onları da diqqətinizə çatdıracağıq. Bizi ihləyin.

Facebook