Gəncə Dövlət Universitetindəki acınacaqlı duruma "yuxarıların" reaksiya verəcəyi gözlənilir.

Mediatv.az xəbər verir ki, bu barədə DİA.AZ-a Təhsil Nazirliyindəki qaynaqlar informasiya verib.

Xəbəri verən mənbə iddia edir ki, əslində təhsil naziri Mikayıl Cabbarovun "kadrı" kimi tanınan, amma gənc nazirin idarəçilik pronsipləri ilə (hər halda görüntüdə olan -red.) ziddiyyət təşkil edən bir yönətim dəst-xəttini nümayiş etdirən GDU rektru Yusif Yusifov yaxın günlərdə işindən atılacaq.

Mənbənin dia.az-a söylədikləri: "Mikayıl Cabbarov və onun yeni komandası təhsildə rüşvətin olmadığını iddia edərək bir siyasət yürütməyə çalışır. Amma görünəni odur ki, indi vəziyyət hətta Misir Mərdanovun dövründə olduğundan da qat-qat betərdir. Və ən diqqətçəkəni də odur ki, bütün bu eybəcərliklər daha çox Mikayıl Cabbarovun kadrlarının rəhbər olduğu təhsil ocaqlarında müşahidə olunur".

Artıq belə vəziyyətin nazirə ciddi problem yarada biləcəyini vurğulayan mənbə dia.az-a bildirisində onu da qeyd edir ki, ilk addımlardan biri kimi GDU rektorunun və daha bir neçə təhsil müəssisəsi rəhbərinin görəvdən alınması olacaq.

Bütün tərəfləri dinləməyə hazırıq. Mövzu diqqətimizdədir.