Avrasiya Universitetində “ailə klanı” - İTTİHAM

Ana səhifə Bizimlə əlaqə

Cavanşir Feyziyev Londonda itirdiyini Gürcüstanda qazanır

“Tenderlərə nəzarət edən qurumun qanunundan xəbəri yoxdur” – Ekspert

Deputatın tikdiyi binanın əyilməsi ilə bağlı XƏBƏRDARLIQ

Nazirlik məktəbin tikintisinə icazə almadan bu şirkətə 5,3 milyon pul ayırıb

YAŞILLIĞI KİMLƏR VƏ NƏ SƏBƏBƏ MƏHV EDİR?

Həbs gördü... hələ də qanun tanımır... MƏHKƏMƏSƏ QƏRAR VERİB!

Əcnəbi vətəndaş REKTORun kürəkənini məhkəməyə verdi

Bu klinikalar sertifikasiyadan keçməyən həkimlərlə işləyir? - SİYAHI

Məşhur "Batı-X" şirkətinin ağacları məhv etdiyi aşkarlandı...

Slayd / Təhsil (8-06-2021, 13:46)
Avrasiya Universitetində “ailə klanı” - İTTİHAM

Azərbaycanın ən qalmaqallı ali təhsil müəssisələrindən hesab olunan Bakı Avrasiya Universiteti çox zaman burada baş verən neqativ hallarla gündəmə gəlir. 1992-ci ildən fəaliyyət göstərən universitetdə imtahan sesiyalarında rüşvətin az qala ayaq açıb yeridiyi barədə dəfələrlə məlumatlar yayılıb. Aktualxeber.az-a daxil olan məlumata görə növbəti yay sessiyası ərəfəsi tələbələrin ürəyindən yenə də qara qanlar axır. Çünki, BAU-da onların biliyindən çox ciblərinə baxıb qiymət yazırlar.
Düzdür qəbul imtahanları zamanı BAU tələbələrə xüsusi güzəştlər, təhsil haqqlarında endirimlər elan etsə də burada təhsil alanların bildirdiyinə görə sonradan bu “endirimlər”i onların gözündən elə gətirirlər ki, heç ruhun da incimir. İmtahan sessiyası başlar-başlamaz universitetdə açıq bazarlıq başlanır. Çox cüzi sayda tələbəyə güzəştlər edilsə də tələbələrin mütləq əksəriyyəti “domokl qılıncının” altından keçməlidirlər. Qiymətlər isə hər imtahana görə 200-300 manat arasında dəyişilir. Hətta universitetdə “nisyə dəftərinin” olması barəsində də məlumatlar verilir. Belə ki, ödəməni bir dəfəyə edə bilməyən tələbələr “faizsiz, zaminsiz kredit” şərtlərindən də yararlana bilirlər.
Bakı Avrasiya Universiteti artıq yay bazarını açıq elan edib. Nazim Hüseynlinin rəhbərlik etdiyi ali məktəb imtahanları “asan”laşdırıb. Əslində, imtahanlar onlayn qaydada kompüterdə verilir. Guya şəffaflıq təmin olunur. Lakin kosmetik xarakter daşıyan elektron imtahandan göstərilən nəticələr əhəmiyyət daşımır. Tələbələr elə vəziyyətə salınır ki, onlar dekanlarla, metodistlərlə təmasa keçərək semestr imtahanlarının qiymətlərini həll etməyə çalışırlar. Rektor oğlu Günhan Hüseynlini BAU-ya prorektor, qızı Nigar Hüseynovanı isə İcra aparatının rəhbəri təyin edib. Universitetdə bütün idarəçilik G.Hüseynlinin əlindədir. Heç bir pedoqoji təhsili olmayan Günhan Hüseynlinin “uğurlu” fəaliyyəti nəticəsində bir zamanların ən yaxşı ali təhsil müəssisələrindən biri olan BAU-nu tanınmış alimlər və təcrübəli müəllimlər tərk edib. BAU-nun dekanı olmuş və universitetdəki özbaşınalığa etiraz etdiyi üçün işdən çıxarılan Əjdər Yunus Rzanın vaxtilə sosial şəbəkədə yazdıqları universitetin bazar qanunları ilə idarə olunduğunu bir daha təsdiqləyir: “Bakı Avrasiya Universitetinin rektoru Nazim Hüseynlinin analoqu olmayan cədvəl oyunları ilə başınıza gətirdiyi oyunların bu semestrdə də təkrarlandığını görəndən sonra iclasda rektora “bu biabırçılığın başında siz dayanırsız” dedim. Bundan sonra heç bir qanuna hörmət qoymayan Nazim Hüseynli mənə “işdən azadsan” dedi. Mən həmişə haqqın tərəfində olmuşam.Bununla fəxr edirəm. Sizə analoqu olmayan “lalapiti” cədvəllə yaz semestrini müvəffəqiyyətlə başa vurmağı arzulayıram”. Lakin onun gedişindən sonra heç nə dəyişməyib. Qış, yay semestr imtahanlarından tutmuş, qaiblərə qədər pul istəyirlər.
Xatırladaq ki, bir müddət əvvəl sabiq millət vəkili Nazim Məmmədov Bakı Avrasiya Universitetinin rektoru Nazim Hüseynlini yalançılıqda ittiham etmişdi. Bu barədə o, sosial şəbəkədə yazmışdı. N.Məmmədov bildirmişdi ki, Gədəbəyin Düzrəsullu, Şınıx kəndinin qazlaşdırılması üçün vaxtı ilə ölkə prezidentinin, baş nazirin, “Azəriqaz” rəbərliyinin, və Maliyyə Nazirliyinin yanında məsələ qaldırıb. Bütün bunlardan sonra sözügedən kəndlərin qazlaşdırılmasına nail olub. Amma Avrasiya Universitetin rektoru Nazim Hüseynli onun işinə kölgə salaraq kəndlərin qazlaşdırılması ilə bağlı məsələni öz adına çıxarıb.
Bundan əlavə N.Hüseynlinin həbs edilən MTN generalı Teymur Quliyev quda olduğu bildirilir. Eldar Mahmudovun zamanında BAU-nun “krışası” elə T. Quliyev olmuşdur.
Aktualxeber.az-ın redaksiyasına müraciət edən BAU-nun regionşünaslıq fakültəsinin 2009-2013-cü illərdə tələbəsi olmuş Aytən Məmmədovanın problemi isə “Ginnesin rekordlar kitabına” düşəsidir. Çünki bu xanım universitetə heç bir təhsil haqqı, kredit borcu olmadığı halda 8 ildir ki, diplomunu ala bilmir. Nazim Hüseynlinin ailə klanının ötür-ötür oyununa düşən xanım bilmir dərdini kimə desin. Rektorun özü onu köməkçisinin yanına, köməkçi qızının yanına, qızı da qardaşının yanına göndərsə də hələ ki, ona bir kömək edən yoxdur. Bir neçə dəfə Təhsil Nazirliyinə də ayaq döyən məzun xanım problemini kimə deyəcəyini bilmir. Ümidvarıq ki, bizim bu yazımızdan sonra əlaqədar qurumlar bir tədbir görəcək və günhkar şəxslər də cazalarını alacaqlar.
Mövzuya qayıdacağıq və yazıda adları keçən şəxslərin də mövqelərini dərc etməyə hazırıq.