Rusiyanın Komi Respublikasında həbs edilən azərbaycanlı oliqarx-deputat Akif Sayadov Rəsul Quliyevin yaxın qohumudur. Bu barədə PİA.AZ-a daxil olan məlumatda bildirilir ki, Ayaz Sayadovun bacısı Rəsul Quliyevin qardaşının həyat yoldaşıdır. Bir zamanlar xalq artisti Aygün Kazımova ilə evlənən Rza Quliyev məhz Ayaz Sayadovun bacısı oğludur. 

PİA.AZ-ı məlumatlandıran mənbənin sözlərinə görə Quliyevlər ailəsinin Rusiyadakı əsas adamları və biznes ortaqlarından biri olan Ayaz Sayadovun həbs olunması Rəsul Quliyev üçün də ağır zərbə hesab etmək olar. Çünki keçmiş spikerin əsas maliyyə qaynaqlarından birinin məhz Ayaz Sayadov olduğu göstərilir. Belə ki, Ayaz Sayadovun Rusiyada geniş biznesə sahib ola bilməsi üçün sərmayəni 90-cı illərdə Rəsul Quliyev verib. Belə ki, keçmiş spiker  Azərbaycan neftinin satışından əldə etdiyi qanunsuz gəlirlərin bir hissəsini qardaşının qaynı vasitəsi ilə Rusiyaya yönləndirib və Rusyada biznes yaradıb. 

Qeyd edək ki, Akif Sayadov bir neçə gün öncə Rusiya Prezidenti Vladimir Putinə qarşı çıxış etdiiynə görə həbs olunması ilə bağlı xəbərlər yayılıb. Rusiya xüsusi xidmət orqanları Akif Sayadovu bir müddət öncə həbs olunmuş vəhhabi təriqətinin üzvü olan altı azərbaycanlı ilə əlaqədə və radikal dini cərəyanı maliyyələşdirmədə ittiham edib.

 

Komi parlamentindən deputatın toxunulmazlığa malik olmadığı və bu cür həbs edilməsinin təəccüb doğurmadığı bildirilib. Ümumrusiya Azərbaycanlıları Konqresinin Komi bölməsi isə ittihamları cəfəngiyat adlandırıb.