İlham Əliyev, şübhəsiz ki, müasir dövrün görkəmli siyasətçisidir. Söz verdiyi hər şeyi A-dan Z-yə qədər etdi. İşğal edilmiş torpaqları azad etdi, işğalçıları darmadağın edərək qovdu.
"Mediatv.az" xəbər verir ki, bunu məşhur rusiyalı politoloq, hərbi ekspert İqor Korotçenko öz Teleqram kanalında yazıb.
“İlham Əliyevin Şuşaya səfəri əlamətdar və çox əhəmiyyətli, bir çox cəhətdən rəmzi səfərdir. Bu, təkcə Prezidentin deyil, Ali Baş Komandanın səfəridir. Çünki 44 günlük müharibənin əsas məqamlarından biri olan Şuşanın işğaldan azad edilməsi Ermənistan ordusunun müqavimətini dayandırdı və İrəvan təslim oldu. Şuşa şəhərinin azad edilməsi əməliyyatı Azərbaycanın ən mühüm hərbi uğurudur, hərbi strategiyasının təntənəsidir. Şəhər dağ-meşəlik ərazilərdən keçən və şiddətli əlbəyaxa döyüşləri ilə erməni qüvvələrini darmadağın edən Azərbaycan Silahlı Qüvvələrinin xüsusi dəstələri tərəfindən azad olundu. Bütün müasir standartlara görə bu görkəmli hərbi əməliyyat hələ də öz tarixçilərini gözləyir”, - o qeyd edib.шаблоны для dle 11.2