“AzerRos”dan virtualaz.org-un Moskva müxbirinə bildiriblər ki, Abbas Abbasovun istefa xəbəri həqiqəti əks etdirmir. Mənbənin məlumatına görə, Ağsaqqallar Şurasının sədri Abbas Abbasov və üzvü Rüstəm ibrahimbəyov həqiqətən də istefa verdiklərini bəyan ediblər. 

Amma Ağsaqqallar Şurası sədrin istefasının əleyhinə çıxıb.

“Abbas Abbasov sonrakı çıxışında bəyan etdi ki, təşkilata hələ uzun illər rəhbərlik edəcək və var gücü ilə Azərbaycan-Rusiya əlaqələrinin daha da inkişaf etdirilməsinə, həmçinin prezidentlər İlham Əliyev və Vladimir Putin arasındakı dostluq münasibətlərinin daha da möhkəmlənməsinə töhfə verməyə çalışacaq”- deyə mənbə vurğulayıb.

***

Moskvada Rusiya Azərbaycanlılarının Federal Milli-Mədəni Muxtariyyəti “AzərRos”un növbədənkənar toplantısı keçirilib. 

Azvision.az-ın məlumatına görə, toplantıda çıxış edən “AzərRos”un Ağsaqqallar Şurasının sədri Abbas Abbasov öz vəzifəsindən istefa verdiyini bəyan edib. 

Daha sonra toplantıda çıxış edən Rüstəm İbrahimbəyov da Ağsaqqallar Şurasından çıxdığını bildirib. 

Ağsaqqallar Şurasında səsvermə keçirilib, Abbas Abbasov və Rüstəm İbrahimbəyovun istefaları qəbul edilib.