Azərbaycan Tibb Universiteti Tədris Cərahiyyə Klinikası ilə Istanbul 
Bilim Universitesinin və “Florence Nightingale” Xəstəxanalar Grupunun 
elmi əməkdaşliği səhiyyəmizin inkişafina növbəti xidmətlərini 
göstərməkdədir.


12-14 İyun 2015 tarixində Azərbaycan Tibb Universiteti, İstanbul Bilim 
Universiteti və "Florance Nightingale" xəstəxanalar qrupu təşkilatçılığı 
ilə İstanbulda II Akademik İş birliyi konfransı keçirildi.
Konfransın başlanğıcında İstanbul Bilim Universitetinin rektoru Prof. 
Dr. Çavlan Çiftçi və ATU-nun Tədris Cərrahiyyə Klinikasının baş həkimi, 
t.ü.f.d. dos. Dr. Asiman Həsənov açılış nitqi edərək, Türkiyyə 
Azərbaycan münasibətlərindən, bunun səhiyyə sahəsində rolundan, 
Türkiyənin tibb sahəsində əldə etdiyi yeni nəaliyyətlərinin Azərbaycan 
tibbinə olan dəstəkləyici təsiri və əldə olunan uğurlardan söhbət 
açdılar. Və bunun ardınca isə birgə əməkdaşlıqları münasibəti ilə baş 
həkim Dos. Dr. Asiman Həsənov xalqımızın milli və mənəvi dəyərlərini 
təsvir edən xatirə hədiyyəsini Prof. Dr. Çavlan Çiftçiyə təqdim etdi. 
Həmçinin Prof. Dr. Çavlan Çiftçi də Universitet -Xəstəxanası olaraq ATU 
ilə birgə əməkdaşlıqlarına görə böyük məmnunluq hissi duyduğunu 
vurğulayaraq, Plaket hədiyyə etdi.
Tədbirdə həmçinin ATU TCK-nın nümayəndə heyyətlərindən – AMEA-nın müxbir 
üzvi, prof. Dr.Nuru Bayramov, Uzman kardio-cərrah Mirəli Məcidov,
Dr. Cavid Paşayev, Şüa-diaqnostika şöbəsinin müdiri Dr. Rasim Bayramov, 
Ass.Dr. Ruslan Məmmədov, Dos. Dr. Sədrəddin Atakişizadə, t.ü.f.d. 
Dr.Qalib İmanov, Ass. Dr.İmran Səfiyev, Dr. Eldəniz Əliyev, eləcə də 
Türkiyənin tanınmış cərrahları, beynəlxalq mütəxəssislər iştirak 
edirdilər.
Konfransda müasir cərrahiyyənin müxtəlif istiqamətlərindən 
-Neyrocərrahiyyədə mikrocərrahiyyə, Serebral-vaskulyar patologiyalar, 
Genetik xəstəliklərə aktual yanaşma üsullari, hüceyrə və toxuma 
transplantasiyası, kök hüceyrələrinin köçürülməsi, orqan 
transplantasiyası, ürək transplantasiyası, bu sahələrdə qazanılan 
uğurlardan, praktikada üzləşdikləri hallar haqqında və bir sıra digər 
mövzular üzrə çıxışlar olmuşdur. Sonra konfrans iştirakçıları həmin 
mövzular ətrafında müzakirələr aparmışlar. Həmçinin birinci günün 
sonunda konfrans iştirakçıları "Florance Nightingale" xəstəxanalar 
qrupuna da ziyarət etdilər.
Sonda ATU TCK-nın baş həkimi, dos. Dr. Asiman Həsənov çıxış edərək, 
Türkiyyə Azərbaycan münasibətlərinin birliyindən bir daha vurğulayaraq 
bildirdi ki, əl-ələ verib birgə gördükləri uğurlu iş birliyi bütün türk 
dünyasında, həmçinin tibb sahəsində də öz müsbət əksini göstərir və 
göstərəcəkdir. Bu birliyin getdikcə daha da genişləndiriləcəyini, o 
cümlədən müştərək elmi layihələrin hazırlanması və həyata keçirilməsi, 
Beynəlxalq elmi-praktik konfransların, simpoziumlar və seminarların 
təşkili, tələbə, rezident və magistr mübadiləsi, müəllimlərin təcrübə 
mübadiləsinin həyata keçirilməsi kimi işlərin daha da 
aktivləşdiriləcəyini qeyd etdi. Konfransın sonunda xatirə rəsmləri 
çəkildi.