AXCP müvəqqəti qərargahlarıdna baş vermiş partlayışla bağlı məlumat yayıb. 

"Mediatv.az" xəbər verir ki, bu barədə partiyanın mətbuat katibi Natiq Ədilov özünün Facebook səhifəsində məlumat paylaşıb:

"Bilirsiniz ki, bu gecə səhərə yaxın AXCP-nin müvəqqəti qərargahının başqa bir vətəndaşa aid olan zirzəmisində partlayış olub. 

Səbəbini biz hələlik bilmirik. Bizdən soruşurlar ki, baş verən hadisə nədir? 

AXCP-yə qarşı terror xəbərdarlığı, AXCP-ni qərargahdan çıxarmaq üçün düşünülmüş bəhanə, qərargahın sahibini qorxutmaq cəhdi, yoxsa həqiqətən də AXCP-yə aid olmayan zirzəmidə hansısa təhlükəsizlik qaydalarının pozulması nəticəsində baş vermiş təsadüfi partlayış? 

Hazırda biz özümüz də bu sualların cavabını bilmirik. Amma əminik ki, tezliklə dövlət orqanlarının baş vermiş hadisəyə münasibətindən aydın olacaq ki, bu partlayış necə baş verib, niyə baş verib, İlham Əliyev demişkən, bu partlayışın baş verməsi kimə lazım imiş?"