Real TV-nin sahibi dövlətə MİLYONLAR BORCLUDUR... - TƏFƏRRÜAT

Ana səhifə Bizimlə əlaqə

Cavanşir Feyziyev Londonda itirdiyini Gürcüstanda qazanır

“Tenderlərə nəzarət edən qurumun qanunundan xəbəri yoxdur” – Ekspert

Deputatın tikdiyi binanın əyilməsi ilə bağlı XƏBƏRDARLIQ

Nazirlik məktəbin tikintisinə icazə almadan bu şirkətə 5,3 milyon pul ayırıb

YAŞILLIĞI KİMLƏR VƏ NƏ SƏBƏBƏ MƏHV EDİR?

Həbs gördü... hələ də qanun tanımır... MƏHKƏMƏSƏ QƏRAR VERİB!

Əcnəbi vətəndaş REKTORun kürəkənini məhkəməyə verdi

Bu klinikalar sertifikasiyadan keçməyən həkimlərlə işləyir? - SİYAHI

Məşhur "Batı-X" şirkətinin ağacları məhv etdiyi aşkarlandı...

Problem / Slayd (24-08-2021, 11:30)
Real TV-nin sahibi dövlətə MİLYONLAR BORCLUDUR... - TƏFƏRRÜAT

“Şahinlər” MMC-nin dövlət qarşısında vergi borcunun olduğu məlum olub.

Dia.az Banker.az-a istinadən xəbər verir ki, bu barədə İqtisadiyyat Nazirliyi yanında Dövlət Vergi Xidmətinin məlumat bazasından etdiyi rəqəmlər deyir.

Məlumata əsasən, “Şahinlər” MMC-nin vergi borcu 1 664 225 manatdır.

Qeyd edək ki, bu şirkət 1994-cü ildə dövlət qeydiyyatına alınıb, nizamnamə kapitalı 30 manatdır və qanuni təmsilçisi Elməddin Bayramovdur.

Qeyd edək ki, "Şahinlər” MMC-nin Nizami rayonu, Bəhruz Nuriyev küçəsində qeydiyyatda olan "Nyu Sfera Şirkətlər Qrupu”na daxil olduğu və tikinti sektorunda fəaliyyət göstərdiyi qeyd olunur. Bu barədə məlumat "Nyu Sfera Şirkətlər Qrupu”nun veb-səhifəsində də (nyusfera.com) qeyd olunub.

"Nyu Sfera Şirkətlər Qrupu”nun rəhbəri isə azərbaycanın tanınmış iş adamlarından biri olan Quliyev İman Nəsurulla oğludur.

İman Quliyevin Azərbaycanda çoxsaylı biznesə sahib olduğu barədə məlumatlar şirkətin rəsmi veb-səhifəsində yer alıb. "Nyu Sfera Şirkətlər Qrupu”nun Azərbaycanın biznes sahəsində 1992 ci ildən fəaliyyət göstərdiyi qeyd olunur. Bildirilir ki, şirkət təmir-tikinti, xidmət, turizm, nəqliyyat və digər sahələrdə müvəffəqiyyət əldə edib. Şirkətlər qrupa "Nyu Sfera İnşaat” MMC, "Nyu Sfera Art” MMC, "Nyu Sfera Ticarət” MMC, "Nyu Spera Ltd” MMC, "A.R. Kommersiya” MMC və "Şahinlər” MMC daxildir. Onun mülkiyyətində çoxmərtəbəli "Xalqlar Dostluğu” ticarət mərkəzi, Bakıda 3 şadlıq sarayı - "Romance Palace-1”, "Romance Palace-2", "Şərq Saray” və "Yay” restoranı var. İsmayıllı rayonundakı "Green House” turizm mərkəzi də İman Quliyevə məxsusdur. "Nyu Sfera Şirkətlər Qrupu” Bakının Suraxanı rayonu ərazisində "Yeni Zığ Yaşayış Kompleksi” inşa edir.

İman Quliyevin rəhbərlik etdiyi "Politon” MMC isə Azərbaycanın ən böyük metaləritmə və metal məmulatı istehsalı müəssisəsi olan "Baku Steel Company” MMC-nin 50%-nə nəzarət edir. Qeyd edək ki, "Baku Steel Company” MMC-nin direktoru Rasim Məmmədov bu yaxınlarda həbs olunub.

Onu da bildirək ki, İman Quliyevin sahibi olduğu şirkətlərdən biri də "Real Təhlil və İnformasiya Mərkəzi” MMC-dir. Bu şirkət isə REAL TV-nin təsisçisidir.