Bəstəkar-müğənni Ramal İsrafilovun Röyanın “Gizli sevgi” mahnısına görə ona qonorar ödəməməsi açıqlamasına müğənninin prodüseri Kənan Bayramov münasibət bildirib.

“Qafqazinfo”ya açıqlamasında prodüser mahnı sifarişlə yazıldığı üçün Röyanın pul ödəmədiyini vurğulayıb:

“Ramal Röyaya verdiyi mahnıların əksəriyyətini ifa edib. “Gizli sevgi” mahnısının bəstəkarıdır, onu da ifa edə bilər. Burada qəbahət yoxdur. Lakin “Gizli sevgi” mahnısı sifarişlə yazılıb və Röyaya təqdim olunub. Ona görə Röya pul ödəməyib. Ramal qonorarsız mahnı yazmaz. Necə oldu ki, mahnı hitə çevrildi, üstündən uzun müddət keçdi, indi Ramalın yadına düşdü ki, qonorar almayıb? Bunlar əhəmiyyətsiz  söhbətlərdir. Ramal deyib ki,  konsertə gəlmədiyi üçün adı çəkilməyib,  bu boş söhbətdir. O, bizim dostumuzdur, belə söhbətlər etdiyinə hələ də inanmırıq”.