Müğənni Sevda Sanəliyeva ikinci həyat yoldaşından da ayrılıb.

Mediatv.az axşam.az-a istinadən bildirir ki, bu haqda özü xəbər verən sənətçi daha sonra heç bir sualı cavablandırmayıb, bununla bağlı danışmayacağını bildirib.

Sanəliyeva bu günlərdə İnstaqram səhifəsində paylaşım edərək pis günündə bir çox dostunun ona dəstək olmamasından gileylənib:

"Mənim üçün narahat olan, pis olan və çətin günümdə məni heç yada salmayan, üstəlik sevinənlərə də minnətdaram. Bunu görməyim yaxşıdır. İnsan büdrəyə-büdrəyə bərkiyir. Əsas Allah hər kəsin ürəyinə görə versin. Məni nə qədər çox sevdiyinizi bildim, dəyərli İnstaqram izləyicilərim. Şükür ki, günəş yenidən çıxdı. Allaha sığınmaq, ondan xeyirlisi istəmək ən gözəli imiş".

Qeyd edək ki, S.Sanəliyeva ikinci dəfə Cəmil adlı şəxslə ailə qurmuşdu. Onun birinci nikahdan oğlu, ikincidən isə qızı dünyaya gəlib.