“Kurtlar Vadisi” serialındakı “Polat Alemdar” obrazı ilə tanınan aktyor Necati Şaşmaz 15 ildən sonra ilkə imza atmağa hazırlaşır.

Mediatv.az  xəbər verir ki, “Polat Alemdar” obrazı ilə assosiasiya olunan aktyor ssenarisini özünün yazdığı beynəlxalq bir serialda “Şəms” obrazını canlandıracaq.

“Kurtlar Vadisi”nin 2018-ci ilin sentyabrında yayıma hazırlaşdığını deyən Necati “Şəms-i Təbrizi” obrazına da həyat verəcək.

Qeyd edək ki, Şəms-i Təbrizi 1185-ci ildə dünyaya gəlib. Əsl adı Mövlana Məhəmməddir. “Şəmsəddin”, yəni, dinin günəşi ləqəbi ilə tanınıb.

Kiçik yaşlarından təhsildəki qabiliyyəti ilə diqqət çəkən Şəms çox yerlər gəzdiyinə görə ona “Şəmsəddin Pərəndə”, yəni, uçan Şəmsəddin deyilib. Bundan başqa, o, “Kamil-i Təbrizi” adı ilə şöhrət qazanıb.