Moskva rayon Məhkəməsi Azərbaycan vətəndaşına saxta pulların daşınması və satışına görə hökm çıxarıb.

Mediatv.az  Rusiya mətbuatına istinadən xəbər verir ki, şəxsin saxta pulları Moskvada “Sadovod” ticarət mərkəzinin ərazisində əldə etdiyi müəyyən edilib.

Sonra o, pulları Ryazana gətirib. O, “Dyaqilevski” Dövlət Patrul Xidmətinin postunda saxlanılıb. 1000 rublluq əskinaslarla 131 saxta pul müsadirə edilib.

Məhkəmə şəxsi təqsirli bilib. Ona ümumi rejimli cəzaçəkmə müəssisəsində 3 il 6 ay azadlıqdan məhrumetmə cəzası təyin edilib. Qərar hələ qüvvəyə minməyib.

Qərardan apellyasiya şikayəti veriləcək.