Kriminal (16-10-2015, 11:33)
Azərbaycana piyada gələnlərin üzərindən narkotik tapıldı
İrandan Azərbaycana narkotik vasitələrin gömrük sərhədindən keçirilməsinin qarşısı alınıb.
Mediatv.az xəbər verir ki, Dövlət Gömrük Komitəsindən APA-ya verilən məlumata görə, Astara Gömrük İdarəsinin sərnişin şöbəsində İrandan Azərbaycana piyada gələn Azərbaycan vətəndaşı Cavad Xəlilovun üzərində şəxsi yoxlama zamanı onun şalvarının bel kəmərinin altından 2 ədəd bağlamada, ümumi xalis çəkisi 170,807 qram təşkil edən narkotik vasitə - heroin aşkar olunub.
İrandan Azərbaycana piyada gələn Azərbaycan vətəndaşı Valeh Bayramovun üzərində şəxsi yoxlama zamanı isə onun şalvarının cibində 8 ədəd həb şəklində, təsiredici maddəsinin xalis çəkisi 0,160 qram təşkil edən və “Azərbaycan Respublikasının ərazisində dövriyyəsi məhdudlaşdırılan narkotik vasitələr”in II Siyahısına daxil olan "Metadone-20" adlı dərman preparatı aşkar edilib.
Hər iki faktla bağlı təhqiqat aparılır.