Ana səhifə Araşdırma Aktual Problem Siyasət Gündəm Sağlamlıq İqtisadiyyat Dünya Sosial Mədəniyyət Təhsil İdman Region Cəmiyyət Hadisə

Karusel (26-06-2020, 11:12)
Dövlətin pullarını bir sağa səpir, bir sola... - İTTİHAM

 “Azəravtoyol” MMC yeni avtomobil yollarının tikintisi və köhnə avtomobil yollarının təmiri ilə bağlı irimiqyaslı işlər barədə mütəmadi olaraq məlumat verir. Bəzi yol sahələrində “Azəravtoyol” əla avtobanlar inşa edib, digər yollardakı çox pisdir, ya da yeni asfalt tez dağılır. Bu barədə Azərbaycan mətbuatında kifayət qədər yazı var. Onlardan biri Turan-da dərc olunub: “İki dirək arasındakı yeni yol ilə necə getmək olar?”

24 iyul 2019-cu il tarixli bu nəşrdə Qax rayonunda yol tikintisi nümunəsində “Azəravtoyol” MMC-də büdcə vəsaitlərinin xərclənməsinin səmərəliliyi məsələsi qaldırılmışdı. Bir il keçib, MMC-dən cavab gəlməyib.

Problem aktual olaraq qalır, çünki yeni faktlar üzə çıxır ki, MMC bununla bağlı izahat verməlidir. 18 iyun 2020-ci il tarixində müxbirimizin çəkdiyi fotoda 2017-ci və ya 2018-ci ildə “Azəravtoyol” MMC tərəfindən Qobustan rayonunda inşa edilmiş metal yerüstü piyada keçidi görünür.

2017-ci ilin iyulunda MMC-nin saytı məlumat verib ki, bu MMC tərəfindən Şamaxı-Bakı avtomobil yolunun Qobustan hissəsində yeddi belə keçid tikilib. Məlumatda qeyd olunub ki, Qobustanda yeddi eyni yığma metal yerüstü keçid inşa edilir. Keçidlər iki pilləlidir, yerdən 5,5 km. yüksəklikdədir, qallereyaların eni 3 metrdir, avtomobil trassının genişliyindən asılı olaraq pilləkən aşırımları ilə birlikdə uzunluğu 35.5-46.7 metrdir.

Beş keçid Müşfiqabad, Zahirli, Cəngi, Ərəb və Nərimankənd yaşayış məntəqələrinin yaxınlığında tikilib. İki keçid isə onlardan biri fotoda görünür, “təmiz meydanda” yığılıb, yəni, bu keçidlərin hər iki pilləkən aşırımının yanında bir neçə kilometr məsafədə heç bir yaşayış məntəqəsi yoxdur. Sağında və solunda heç kim yaşamayırsa, bu keçid kimin üçündir?

İki keçidin qəsəbə və kəndlərdən uzaqda inşa edilməsi Qobustan rayonunda yeddi keçidin inşası barədə rəsmi məlumatdan bəlli olur. Əgər bu məlumatda (“Azəravtoyol” MMC-nin saytında) beş keçidin yerin Bakıdan uzaqlığı və yaxın yaşayış məntəqələrinin adlarının qeyd edilməsi ilə göstərilibsə, iki keçid “Qobustan rayonunda” tikilmiş, Azərbaycan paytaxtından 92,7 və 99 km. məsafədə yerləşən keçid kimi göstərilir.

http://www.aayda.gov.az/az/news/1069
“Azəravtoyol” MMC-nin saytında hər keçidin ümumi dəyəri göstərilmir, bu korporativ saytda yalnız prezidentin bu MMC-nin işlərinin aparılması üçün ayırdığı məbləğlər barədə məlumat tapmaq mümkündür. Yollar, keçidlər, körpülər və s. üzrə ayrı-ayrılıqda konkretləşdirilmə aparılmadan.


 


Konstruktiv xüsusiyyətlərinə və istifadə olunan materiallara görə Rusiyada yerüstü piyada keçidləri 38 mln.rubl (Kazanda piyada keçidi) və ya 928 246 manata başa gəlir.

Qobustan rayonunda, Bakı-Şamaxı avtomobil yolunun üstündə iki piyada keçidinin təyinatı barədə soruşmağa çalışdıq. İyulun 22-də səhər saat 10:00-da telefon zənginə MMC-nin ictimaiyyətlə əlaqələr şöbəsinin əməkdaşı cavab verib. Əməkdaş bizim suallarımızı, telefon nömrəmizi qeyd edib və sualların rəhbərliyə çatdırılacağını vəd edib. Həmin günün saat 14.46-dək cavab almadıq. MMC-də ikinci telefon zənginə cavab vermədilər.

Ona görə də biz MMC-nin elektron ünvanına iki sual göndərdik:

1.Bakıdan 92,7 və 99 km. məsafədə Qobustan rayonu ərazisində iki yerüstü piyada keçidi kim üçün inşa edilib?

2.Hər keçidin tikintisinə nə qədər büdcə vəsaiti xərclənib?

“KİV haqqında” qanuna əsasən, cavab 24 saatdan gec, “İnformasiya azadlığı haqqında” qanuna görə isə 7 gündən gec təqdim olunmamalıdır.

Biz cavab gözləyirik və “İnformasiya azadlığı haqqında” qanuna riayət olunmasına nəzarət etməli olan insan hüquqları üzrə ombudsmanın yardımına ümid edirik. Əks halda, cavab məhkəmə qaydasında alınacaq.шаблоны для dle 11.2

Xəbər lenti
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
27 03 2024
27 03 2024