Rusiya prezidentinin mətbuat katibi Dmitri Peskovun qızı, 19 yaşlı Yelizaveta Peskova İnstaqram hesabını bağlayıb.

Mediatv.az  Rusiya KİV-nə istinadən verdiyi məlumata görə, İnstaqramda aktivliyi ilə seçilən gənc qızın bu addımı sosial şəbəkələrdə müzakirələrə səbəb olub.

Sentyabrın 12-də nüfuzlu “Forbes” jurnalında Y. Peskovanın təhsillə bağlı məqaləsi dərc olunub. Media məsləhətçisi Oksana Silantyeva onun bir çox saytlardan fikirləri oğurlayaraq məqalədə öz adına çıxardığını bildirib.

Eləcə də, avqust ayında Korrupsiyaya qarşı Mübarizə İdarəsi hazırda Fransada təhsil alan Yelizavetanın qardaşı Nikolay Çoulzun əmlaklarına dair hesabat hazırlayıb. Hər iki faktın Peskovun qızının İnstaqramdan getməsi üçün səbəb olacağı ehtimal olunur.