“Qarabağ”ın baş məşqçisi Qurban Qurbanov Çempionlar Liqasının II təsnifat mərhələsində Albaniyanın “Kukesi” klubu ilə cavab matçından sonra mətbuat konfransı keçirib. 

Mediatv.az  xəbər verir ki, mütəxəssis əvvəlcə 3:0 hesabı ilə qalib gələrək III təsnifat mərhələsinə çıxdıqları ev qarşılaşması haqqında danışıb: 

“Öncə azarkeşlərimizə təşəkkür etmək istəyirəm. Bu gün oyunu daha da gözəlləşdirən onlar idi.

Çox möhtəşəm azarkeşlik etdilər. Futbolçularımızı təbrik edirəm. Tam çalışdılar ki, sonadək düzgün oynasınlar”

Məşqçi qeyd edib ki, ÇL-də növbəti həftə baş tutatacq matça hazırlaşmağa az vaxt olacaq. 

“BATE avrokuboklarda təcrübəli komandadır. Çalışacağıq ki, qarşıdakı 5 gündə yaxşı hazırlıq keçək”, - Qurbanov deyib.

O qeyd edib ki, yeni futbolçuların transferləri gözlənilir: 

“Çalışmalarımız bitməyib. Axtarışdayıq. Danışqılar gedir. Düşündüyümüz alınsa, yeni transfer görə bilərsiniz”.