“Barselona” klubunun argentinalı hücumçusu Lionel Messi, hələlik peşəkar karyerasını bitirməklə bağlı müzakirələr aparmağa hazır olmadığını bildirib.

Mediatv.az  xəbər verir ki, bu barədə “AS” nəşri məlumat yayıb.

“Bu mənim üçün ən çətin sualdır. Həqiqətən  neçə ilim qalıb bilmirəm, ancaq ümid edirəm ki, hələ çox oynayacağam. İstək və ruh yüksəkliyi gündən günə artır. Hələ gerçəkləşdirməyə çalışdığım bir sıra hədəflər var. Daha çox mükafatlar, daha çox qollar....

Hal-hazırda özümü çox yaxşı hiss edirəm, futbolu atmaq fikrində  deyiləm. Bu barədə danışmaq məncə hələ tezdir. Ancaq hər halda, həmin o gün nə vaxtsa gəlib çatacaq.” deyə Messi bildirib.

Messi beş qat “Qızıl top” mükafatçısıdır. “Barselona” klubu ilə səkkiz dəfə İspaniya çempionu olub, beş dəfə İspaniya kubokunu qazanıb və dörd dəfə Çempionlar liqasının qalibi olub.