“Bizim üçün əlamətdar oyun idi. Qələbəyə köklənmişdik”.

Mediatv.az “Qafqazinfo”-ya istinadən xəbər verir ki, bu sözləri öz meydanında “Neftçi”ni 2:0 məğlub edən “Sumqayıt”ın baş məşqçisi Samir Abbasov deyib.

Oyundan sonra baş tutan mətbuat konfransında iştirak edən çalışdırıcı fikirlərini bildirib:

“Bu gün sübut etdik ki, “Sumqayıt”ıq və mübarizəni meydanda aparırıq. Çox çılğın idim. Əlimdə imkan olsaydı, zədəli futbolçumu da meydana buraxardım. Uşaqlar oynadıqları şəhərin adına yaxşı mübarizə apardılar. Onların alnından öpürəm”.

- Epizodların birində hakimə etiraz etdiniz və qovuldunuz. Nə baş vermişdi?

- Yox, səbəb bundan qaynaqlanmırdı. Ya oyunçum qırmızı vərəqə almalı idi, ya mən. Həmin epziodda topu vurdum və hakimə dedim ki, belə etmə, vəziyyətimiz yaxşı deyil. Açığı, orda nə etdiyimi bilmirdim. Düzgün iş görmədiyimi qəbul edirəm.

- Rəhbərlik birdən-birə getdi, dəyişikliklər ard-arda oldu. Özünüzü tərk edilmiş kimi hiss etmirsiniz?

- Bundan qabaq futbolçularıma belə hadisələrin baş verə biləcəyini demişdim. İndi də elə oldu. Düzü, oyundan öncə özümüzü alçalmış kimi hiss etdik. Amma bu gün qələbə qzandıq və ruhdan düşmədiyimizi übut etdik. 

- Düşünmürsünüz ki, baş verən hadisələr “Sumqayıt”ın avrokuboka yolunun kəsilməsinə planlaşdırılmayıb?

- Əgər bunu istəmirlərsə, gəlsinlər, bunu meydanda həll edək. “Neftçi”yə və orda oynayanlara qarşı kin saxlamıram.

- Siz olsaydınız, bu vəziyyətdə postunuzu dəyişərsiniz?

- Kimdi məni prezident seçən?