Ukrayna hökuməti yerli futbol federasiyası və fanat təşkilatı ilə Rusiyada keçiriləcək dünya çempionatının mümkün boykotu və ya etirazına dair danışıqlar aparır.

Mediatv.az  xəbər verir ki, bu haqda “İnterfaks”a Ukraynanın Xarici İşlər naziri Pavel Klimkin deyib:

“Biz müxtəlif federasiyalarla danışıqlar aparırıq. Bu məsələni açıqlaya bilərəm. Biz həmçinin fərqli siyasi məsələlər qaldıra biləcək müxtəlif azarkeş təşkilatları ilə də danışıqlar aparırıq. Bu çempionatı ya boykot etməliyik, ya da Rusiyaya gəldiyimiz zamanı öz mövqeyimizi açıq şəkildə ifadə etməliyik”.

Ötən ay Ukraynada mundialın televiziya ilə boykot edilməsinin əleyhinə çıxanlar olub. Xarkovun “Metallist-1925” klubunun prezidenti Sergey Storojenko bildirib ki, ölkə sakinləri bu turniri görməlidir.

Xatırladaq ki, Ukrayna millisi iyunun 14-dən iyulun 15-dək Rusiyada keçiriləcək dünya çempionatına vəsiqə qazana bilməyib. Andrey Şevçenkonun baş məşqçisi olduğu komanda Türkiyənin də yer aldığı İ qrupunda III yeri tutub.