Dünya futbolunun iki məşhur futbolçusu Kriştiyano Ronaldo və Lionel Messi Somada baş verən mədən faciədə həyatını itirən mədən işçilərinin ailələrinə baş sağlığı verib. 

“Mediatv.az” Türkiyə mətbuatına istinadən xəbər verir ki, qardaş ölkəni yasa boğan Soma mədən faciəsinə biganə qalmayan Avropanın öndə gələn bir çox klub və idmançısına Messi ilə Ronaldo da qatılıb.

Messi və Ronaldo sosial şəbəkədə faciədə həyatını itirən mədən işçilərinin ailələrinə baş sağlığı verib. 

Lionel Messi:  “Manisada meydana gələn mədən qəzası səbəbi ilə vəfat edən mədənçilərin ailələri başda olmaq üzrə  bütün Türkiyəyə baş sağlığı diləyirəm. Ümid edirəm içəridə qalan şaxtaçıları tezliklə xilas edərlər. Qəlbimiz qəzada zərərçəkmiş şəxslərlə birlikdədir”. 

Kriştiyano Ronaldo: “Qəlbim mədən qəzasında həyatını itirən işçilərin ailələri ilə birlikdədir. Hələ də içəridə olan işçilər üçün dua edirəm”.