Azərbaycanın bir çox bölgələri kimi, Gəncə şəhərinə də qar yağır.

 Rayon İcra Hakimiyyətindən “Mediatv.az”-a  verilən xəbərə görə, yerdə təxminən 5-6 sm qar olsa da yağıntı davam edir. Gəncə şəhər Mənzil Kommunal İstehsalat Birliyi bildirib ki, şəhərin mərkəzi küçələrində piyadaların və avtomobillərin hərəkəti üçün heç bir çətinlik yoxdur. Şəhərin Gülüstan qəsəbəsində sürüşkən olan yollara duz və qum səpildiyini bildirildi. Birlikdən verilən məlumata görə qışa hazırlıq məqsədilə bir sıra tədbirlər  artıq həyata keçirilib. Qar təmizləyən maşınlar və digər texnikalar hazır vəziyyətdə saxlanılır. Bundan başqa toplanan qum və duzun miqdarı da müəyyən edilib. Belə ki, artıq anbarda 500 kub metr qum, 240 ton duz var. Bundan əlavə  3 ədəd avtoqreyder, 4 ədəd özü süpürən avtomaşın, 40 ədəd özü boşaldan yük maşını qarın təmizlənməsi üçün hazırlanıb.