“Kapital Bank” ASC Bankın Abşeron rayon filialının müdiri Elvin Rüstəmovun guya Baş Prokurorluq yanında Korrupsiyaya qarşı Mübarizə İdarəsi tərəfindən həbs edilməsi barədə bu gün bəzi məlumat portallarında yayılmış xəbərləri təkzib edib. 

Bankın mətbuat xidmətindən “Qafqazinfo”ya daxil olan xəbərdə bu məlumatın həqiqətə uyğun olmadığı, Kapital Bankın Abşeron rayon filialında hər hansı yoxlamanın aparılmadığı qeyd edilib. Mətbuat xidmətinin açıqlamasına görə, filial müdiri Elvin Rüstəmov bir  neçə gün əvvəl qanunvericiliyə uyğun şəkildə növbəti əmək məzuniyyətinə çıxıb. Filialda başqa bank inzibatçısı olmadığından Abşeron rayon filialının fəaliyyətinə müvəqqəti rəhbərlik üçün onu Bankın Baş ofisindən başqa inzibatçı əvəz edib.