Joze İvan 16 ay tısbağa qanı içərək həyatda qalmağı bacarıb 

Robinzon Kruzo əfsanəsi müasir dövrümüzdə gerçəyə çevrilib. Mediatv.az  xəbər verir ki, saçı, saqqalı bir xeyli uzanmış, spanca danışan kişi Sakit okeanın Ebon Atoll adaları sahillərində bölgə xalqı tərəfindən tapılıb. 

Adının Joze İvan olduğunu bildirən həmin şəxs deyib ki, o, 16 aydır itkin düşüb və adada tısbağa qanı içmək və quş əti yeməklə həyatda qala bilib. Okean sahilində əlləri ilə balıq da tutaraq, yeyən İvan ölümdən canını xilas etməyi bacarıb. 

Müasir Robinzon Kruzo daha sonra deyib ki, o, 2012-ci ildə Meksikadan El Salvadora getmək üçün yola çıxıb. Onunla bərabər bir neçə dostları isə yolda ölüblər. 

Paltarları param-parça olmuq İvanın səhhətinin heç də yaxşı olmadığı bildirilir. Bu səbəbdən də onu həkim müayinəsi altına alıblar. Özünə isə çoxlu miqdarda su içirdiblər. 

Rəsmi qurumlar isə Sakit okeanda belə itkin düşmə hallarının çox olduğunu bildirirlər.