Qaradağ Rayon İcra Hakimiyyəti 8 Mart Beynəlxalq Qadınlar Günü münasibəti ilə Lökbatan qəsəbəsində yerləşən “Qaradağ” şadlıq evində bayram tədbiri keçirib. 

"Qafqazinfo"ya daxil olan məlumata görə, tədbirdə Qaradağ Rayon İcra Hakimiyyəti başçısı Süleyman Mikayılov, Milli Məclisin deputatı Mixail Zabelin, rayonun ictimai-siyasi həyatında fəal iştirak edən dövlət, elm və təhsil, səhiyyə, mədəniyyət və digər sahələrdə çalışan, həmçinin bir çox ictimai təşkilat və birliklərə rəhbərlik edən qadınlar iştirak ediblər.

Tədbiri giriş sözü ilə açan icra başçısı tədbirdə iştirak bütün xanımları bayram münasibəti ilə təbrik edib.

Daha sonra Süleyman Mikayılov və Milli Məclisin deputatı Mixail Zabelin tərəfindən rayonun ictimai-siyasi həyatında öz fəallığı ilə fərqlənən xanımlar fəxri fərmanlar və dəyərli hədiyyələr ilə mükafatlandırılıb. 

Tədbir tanınmış musiqi ifaçılarının çıxışları ilə davam edib.