Nikol Paşinyan ABŞ qarşısında borcludur və ona tez-tez xatırladırlar ki, o borcunu ödəməlidir.

Mediatv.az  modern.az-a istinadən xəbər verir ki, bu barədə "Reqnum" agentliyinin baş redaktoru, 1-ci dərəcəli dövlət müşaviri Modest Kolerov Con Boltonun Cənubi Qafqaz regionuna səfərini şərh edərkən deyib.

"Boltonun Yerevandakı açıqlamaları, ilk növbədə, Paşinyana ünvanlanıb. Ondan siyasi dəstəyə görə konkret addımlar istənilir. Paşinyan ABŞ-ın dəstəyi ilə hakimiyyətə gəlib və indi Ağ Evdə ondan konkret addımlar, məsələn, Qarabağ münaqişəsinin həllində konkret dinamika gözlənilir".

Ekspertin fikrincə, Qarabağ Paşinyan üçün ciddi təzyiq faktorudur. Bundan başqa, Moskva da onun siyasi addımlarına heç bir müdaxilə etmək niyyətində deyil.