Oktyabrın 10-12-də Daşkənddə MDB müdafiə nazirləri şurasının 75-ci iclası keçiriləcək.

Mediatv.az xəbər verir ki, bununla bağlı MDB icraiyyə komitəsinin mətbuat xidməti məlumat yayıb. 

İclas zamanı Mərkəzi Asiya regionunda vəziyyət, beynəlxalq terrorçuluqla mübarizə və birlik ölkələri arasında hərbi əməkdaşlığın inkişaf istiqamətləri müzakirə ediləcək. 

Bundan başqa, nazirlər İkinci Dünya Müharibəsində qələbənin 75 illik yubileyi ilə bağlı keçiriləcək tədbirlərin texniki və təşkilatçılıq əməkdaşlıqları ətrafında fikir mübadiləsi aparacaqlar.