Ermənistanın eks-prezidenti Robert Koçaryan 2008-ci ilin martında etirazlar aksiyalarının gedişi zamanı baş verən qətllərlə bağlı şahid qismində dindiriləcək.

“Qafqazinfo” xəbər verir ki, bu barədə Ermənistanın Xüsusi İstintaq Xidmətinin rəhbəri Sasun Xaçatryan məlumat verib. 

O bildirib ki, Koçaryan hələ ki, şahid qismində sorğuya çağırılıb. İş çərçivəsində keçmiş müdafiə naziri, həmin illərdə isə Silahlı Qüvvələrin Baş Qərargah rəisi postunu tutan Seyran Ohanyan da şahid qismində dindirilib. 

Xatırladaq ki, ötən gün 2008-ci il olaylarında ordunu dinc nümayişlərə qarşı istifadə etməkdə ittiham edilərək general-polkovnik, keçmiş müdafiə naziri Mikayel Arutyunyan barəsində həbs qətimkan tədbiri seçilmişdi. 

Ermənistan Milli Təhlükəsizlik Xidməti isə eks-prezident Serj Sarkisyanın kişik qardaşı – Aleksandr Sarkisyanın villasında axtarış aparır.